"ەگىس القاپتارىن جانە الەۋمەتتىك ماڭىزى بار تاۋارلاردى وندىرۋگە ارنالعان باسىم داقىلدار ءوندىرىسىن ۇلعايتۋ جوسپارلانعان. قازىرگى ۋاقىتتا ەلىمىزدە نەگىزگى ازىق-تۇلىك تاۋارلارىنىڭ 5 ايلىق قورى قالىپتاستىرىلدى. تۇتىنۋشى ءۇشىن باعانى تومەندەتۋ ءۇشىن الەۋمەتتىك ماڭىزى بار ازىق-تۇلىك تاۋارلارىنا ساۋدا ۇستەمەسىنىڭ مولشەرىن (تىزبەدە ولاردىڭ 19 ءتۇرى) 15-تەن 10%-عا دەيىن قىسقارتۋ تۋرالى شەشىم قابىلداندى. بۇدان باسقا، جەرگىلىكتى بيۋدجەت ەسەبىنەن تۇراقتاندىرۋ قورلارىن قارجىلاندىرۋ جانە ساۋدا جەلىلەرىن كرەديتتەۋدى 140 ملرد. تەڭگەگە دەيىن جەتكىزۋ جوسپارلانۋدا (بۇگىنگى كۇنى 70 ملرد. تەڭگە ءبولىندى)" دەلىنگەن كوميتەت تاراتقان حابارلامادا.

كوميتەت بۇدان بولەك ماۋسىمارالىق كەزەڭدە ورتالىق ازيا ەلدەرىنەن ەرتە يمپورتتىق جەمىس-كوكونىس ونىمدەرىن فورۆاردتىق ساتىپ الۋدى ۇيىمداستىرۋ بويىنشا جۇمىستار جۇرگىزىلىپ جاتقانىن حابارلادى.